Gjennomføring av oppstartsmøte er ei lovpålagd oppgåve jf. plan- og bygningslova § 12-8. Møtet skal haldast før kunngjering og formell varsling om oppstart regulering. Oppstartsmøtet har som føremål å oppretta ein tidleg kontakt mellom forslagsstillar og kommunen i private reguleringsplansaker, og det skal leggja grunnlaget for ein god planprosess. Oppstartsmøtet skal primært gje ei gjensidig orientering.
Ullensvang kommune v/verksemd for Samfunnsutvikling og plan førebur seg til oppstartsmøte på grunnlag av forslagsstillar si bestilling. Oppstartsmøtet vil normalt kunne haldast om lag to veker frå tinging.
Det skal leggjast ved forslag til planavgrensing på pdf og sosi-fil, samt eit planinitiativ i tråd med § 1 i forskrift om behandling av private forslag til detaljregulering etter plan- og bygningsloven.